بسْمِ اللَّهِ الرَّحْمَنِ الرَّحِيمِ
مَنْ سَمِعَ مُنَادِياً يُنَادِي ‏ يَا لَلْمُسْلِمِينَ ‏ فَلَمْ يُجِبْهُ فَلَيْسَ بِمُسْلِمٍ
دردناك مظالم اور آل سعود كے ساتھ آل خليفہ كے وحشيانہ حملے بحرين كے مظلوم لوگوں پر بڑھتے جا رہے ہيں ، مرد ، عورتيں اور شيرخوار بچے ، اسپتال اور ڈاكٹر سبھي ان حملوں كي زد پر ہيں ۔
آج بحريني عوام اپنے بنيادي حقوق كا مطالبہ كرنے كے جرم ميں بدترين مظالم كا شكار ہو رہي ہے ليكن وہ ان تمام مظالم كو سہتے ہوئے اپنے مطالبہ پر ثابت قدم ہے اور احتجاجات و مظاہروں كے ذريعہ آل سعود و آل خليفہ كي مذمت كر رہي ہے ۔
بين الاقوامي تنظيميں بالخصوص تنظيم حقوق انساني كے عہديداروں كو اگر كہيں ذرا سي تكليف ہو جائے تو ان كي چيخ پكار شروع ہو جاتي ہے ، مذمت كرنا شروع كر ديتے ہيں ليكن وہ بھي ان تمام مظالم كے سامنے مغربي دنيا اور امريكہ كے منافع كي حفاظت كے لئے خاموش ہيں ان كي خاموشي دنيا كے سامنے يہ ثابت كر رہي ہے كہ ان تنظيموں كے يہ نعرے صرف دنيا كے كمزور ممالك كو اپنے چنگل ميں پھنسا كر ركھنے كيلئے اور ان كے حقوق كو پامال كرنے كے لئے ہيں ۔ اس سے زيادہ افسوسناك بات اسلامي كانفرنس اور عرب ليگ كي خاموشي بلكہ آل خليفہ اور آل سعود كي ان مظالم ميں ہمراہي ہے ۔

• Read more

سپاہ پاسداران انقلاب اسلامي كے افسران اور مسلح افواج ميں دفتر نمائندہ ولي فقيہ كے سربراہوں نے ۸ نومبر كي صبح ميں حضرت آيۃ اللہ العظميٰ صافي سے ملاقات كي ۔
حضرت آيۃ اللہ العظميٰ صافي نے اس ملاقات كے دوران حاضرين كو عيدالاضحيٰ اور عيد غدير كي مباركباد پيش كرتے ہوئے فرمايا : سپاہ پاسداران انقلاب اسلامي اور مسلح افواج ہي كے سبب آج اسلامي انقلاب اور اسلامي حكومت و مملكت كو يہ عظمت و شكوہ حاصل ہوا ہے ۔
انھوں نے اسلامي حكومت كے ہر شعبے ميں علماء كي موجودگي كو ضروري قرار ديتے ہوئے فرمايا : سپاہ پاسداران انقلاب اسلامي اور مسلح افواج كے درميان جس طرح علماء كي موجودگي بہترين فرصت ہے اور اس كے بہت سے فائدے اور بركات ہيں اس فرصت كو غنيمت سمجھنا چاہئے ۔
مرجع عاليقدر نے فرمايا : مسلح افواج كے درميان علماء كي موجودگي ہي كي وجہ سے آج انقلاب كے اصلي اہداف محفوظ ہيں جس كي وجہ سے ہم دين ، اسلام اور ولايت كي راہ پر ثابت قدم ہيں ، ہميں اسي ثبات قدم كے ساتھ آگے بڑھنا چاہئے تاكہ يہ اہداف آخر تك محفوظ رہيں ۔
انھوں نے اس بات كي تاكيد كي كہ جس طرح مسلح افواج ظاہري اسلحوں سے مسلح ہيں اسي طرح انھيں معنوي اور ايماني اسلحوں سے بھي مسلح رہنا چاہئے ۔ اس لئے كہ اگر دونوں اسلحے ان كے ساتھ ہوئے تو ميدان عمل ميں كبھي بھي يہ مشكل سے دوچار نہيں ہوں گے ۔

• Read more

بسم الله الرحمن الرحيم
قال الله تعالي: إِنَّ عِدَّةَ الشُّهُورِ عِنْدَ اللهِ اثْنَا عَشَرَ شَهْراً فِي كِتَابِ اللهِ (سورہ توبہ آيت/۳۶)
ماہ ذي الحجۃ الحرام جو كہ وحي و قرآن كے مطابق حرام مہينوں ميں سے ايك ہے اور خداوند عالم كے نزديك مہينوں ي تعداد بارہ ہے ۔ہر سال كي طرح اس سال بھي مشرق و مغرب سے لاكھوں لوگ عشق و ايمان ، شور و شوق اور روحاني و ملكوتي معراج پانے كے لئے مسجد الحرام و ميدان عرفات اور مشعر الحرام ميں جمع ہوئے ہيں تاكہ دنيا والوں كے سامنے اپني ہمدلي اور برادري كا اظہار كر سكيں ۔
يہاں پر سبھي رنگ و نسل و دنياوي امتيازات كو نظرانداز كر كے ہم زبان و ہم صدا ہو كر خدا كے سامنے لبيك كہتے ہيں اور اس كي بارگاہ ميں راز و نياز كرتے ہيں اور اس كا شكريہ ادا كرتے ہيں ۔
اس سے بہترين حالت اور اس سے زيادہ روحاني فضا اور كوئي نہيں ہو سكتي ہے وہاں ہر ايك خدا كو اپنے دل كي آنكھوں سے ديكھتا ہے اور خود كو اس سے رگ گردن سے زيادہ قريب پاتا ہے ، پردے ہٹا ديئے جاتے ہيں اور قربت كي بساط پھيلا دي جاتي ہے ۔
يقيناً كتنا حسين ہے ذي الحجۃ الحرام كا چاند ،جس كا نور دلوں كو پراميد بنا ديتا ہے نيازمندوں ، توبہ كرنے والوں كو حاجت برآوري اور توبہ كي قبوليت كي خوشخبري ديتا ہے كہ آؤ اور يہ دلنواز صدا سنو " لَا تَقْنَطُوا مِنْ رَحْمَةِ اللهِ إِنَّ اللهَ يَغْفِرُ الذُّنُوبَ جَمِيعاً " اور خود كو قرب الٰہي اور معراج كے لئے آمادہ كرو اور ياد ركھو كہ كہيں تم ان عظيم لمحات كو غفلت كي نذر نہ كر دو۔

• Read more

چہارشنبہ كي شب ميں كروشيا كے مفتي اعظم كے نائب عزيز حسنويچ نے آيۃ اللہ العظميٰ صافي سے ان كے دفتر ميں ملاقات كي
معظم لہ نے اس ملاقات پر خوشي كا اظہار كرتے ہوئے مسلمانوں كے درميان اتحاد و اتفاق خاص كر ايران اور يورپي مسلمانوں كے درميان اتحاد و اتفاق كي پرزور تاكيد كي ۔
انھوں نے اپني گفتگو كے دوران بلقان كے مسلمانوں كے ايمان و صلابت و استقامت كي تعريف كيا كہ انھوں نے طويل مدت كميونيسٹ حكومت ميں گزارنے كے باوجود اپنے ايمان و عقيدہ كو محفوظ ركھا ۔
مرجع عاليقدر نے فرمايا: ۸۰ سال پہلے بلقان علاقے كے مسلمانوں كے مسائل ميري تشويش كا باعث تھے اور ہم وہاں رہنے والے اپنے بھائيوں اور بہنوں كو ہميشہ ياد كرتے ہيں اور خود كو ان كي خوشيوں اور غموں ميں شريك سمجھتے ہيں ۔
انھوں نے فرمايا : اس علاقے كے مظلوم شہداء اسلام كے عظيم شہيد ہيں انشاء اللہ خداوند عالم انھيں صدر اسلام كے شہداء كے ساتھ محشور كرے گا ۔
معظم لہ نے آخر كلام ميں تمام مسلمانوں كي كاميابي و سربلندي كے لئے دعا كي ۔
اس ملاقات كي ابتدا ميں كروشيا كے مفتي اعظم كے نائب عزيز حسنويچ نے بلقان كے مسلمانوں كے حالات پر مشتمل ايك رپورٹ معظم لہ كي خدمت ميں پيش كي۔

• Read more

۲۸ ستمبر چہارشنبہ، عشرہ كرامت كي مناسبت سے جشن كا انعقاد كرنے والي انجمن كے ممبران نے حضرت آيۃ اللہ العظميٰ صافي سے ملاقات كي ۔
معظم لہ نے اس ملاقات كے دوران عشرہ كرامت كے مبارك ايام كي مباركباد پيش كرتے ہوئے فرمايا : يہ عشرہ بہت ہي با عظمت ہے ہميں ان ايام كا احترام كرنا چاہئے اور ان ايام ميں اپنے مذہبي شعائر كي تعظيم كرني چاہئے ۔
انھوں نے دھھ كرامت كے پروگراموں كو امر اہلبيت عليہم السلام كا احياء قرار ديتے ہوئے فرمايا : امر اہلبيت(ع) كا احياء عظيم عبادتوں ميں سے ہے اور اسي كے ذريعہ دين ، قرآن اور توحيد زندہ ہے اس لئے جو بھي اس راہ ميں قدم اٹھائے گا امام زمانہ(عج) اس سے راضي و خوشنود ہوں گے ۔
مرجع گرانقدر نے ائمہ اطہار(ع) سے توسل كو بشريت كي نجات اور ہدايت كا ذريعہ بتاتے ہوئے فرمايا : چونكہ اہلبيت عليہم السلام سے توسل دنياداري سے رہائي اور گمراہي سے نجات كا باعث ہے ۔
حضرت آيۃ اللہ العظميٰ نے تصريح كي كہ آج انسانيت اہلبيت عليہم السلام كي ہدايتوں كي مرہون منت ہے چونكہ اہلبيت(ع) اور عظيم محدثين كے ذريعہ لوگوں تك اسلامي معارف پہنچے ہيں جس كي وجہ سے لوگوں كو گمراہيوں سے نجات ملي ہے ، اس لئے عالم انسانيت كو ان ہدايتوں كي قدر كرني چاہئے ۔
معظم لہ نے فرمايا : ہم جتنا بھي اہلبيت(ع) كا ذكر كريں ، ان كے فضائل و مناقب كو بيان كريں كم ہے ، ہميں ائمہ اطہار عليہم السلام كي زيارتگاہوں كي طرف زيادہ سے زيادہ توجہ كرني چاہئے اور ان مقامات مقدسہ كا احترام اور تعظيم كرني چاہئے ۔

• Read more